Friday, 3 March 2017

EAT ME Bar & Restaurant (旺角)

又黎到星期五喇,同朋友放工後黎到位於油麻地既Eat Me Bar & Restaurant,有選擇困難症既我地,最後都係叫個二人套餐費事諗。
頭盤有得揀餐湯或沙律,我地揀左餐湯,是日餐湯係青豆忌廉湯,青豆味好重,湯亦都好creamy,唯一美中不足既就係無餐包。
主菜有兩款,第一款我地揀左蒜香意大利瓜野菜炒意粉,蒜香味好重好惹味,加埋大量既瓜野菜去炒,感覺好健康。
第二個主菜我地叫左大男人薄餅,上菜時真係俾佢嚇親,因為直徑都有成一呎,十分巨型,上面有雞肉,辣肉腸,煙肉,菠蘿同紅洋蔥,同埋大量芝士,真係食一片都飽喇,蕃茄味好重好好味。
期待已久既滋味小食拼盤終於到喇,有兩款腸仔,芝士炸雞同薯條,薯條炸得好香脆,腸仔亦都唔會過鹹。
餐飲我地叫左Snow White同埋棉花糖朱古力,Snow White其實係雪碧再加雲呢拿雪糕,充滿童年回憶,棉花糖朱古力其實只係一杯熱朱古力上面灑上細細粒既棉花糖,個人認為如果用大大粒既棉花糖,賣相會更加好。
甜品方面,每人有一個雪糕球,有芒果,朱古力同綠茶揀,我地揀左朱古力同埋綠茶,可惜真係食唔出係咩牌子。

埋單total都係300蚊,份量極多,其實三個女仔食都得,諗落都幾抵食。

No comments:

Post a Comment