一向好喜歡食川菜嘅我，近年轉向內地市場，選擇北上試內地嘅店鋪，一黎價錢更加親民，二黎味道更加正宗。
近期因為各種原因，唔係太方便北上，唯有係香港睇下邊度有好野食啦。
「十二味」係香港有好幾間分店，早前拜訪過佢地「赫德道」分店已經對佢地嘅酸菜魚念念不忘，今次決定去另一間位於北角，係一個剛剛裝修過嘅商場試下其他野食。
同尖沙咀分店一樣，呢度入座後店員無俾餐牌我地，都係要scan QR code落單添，呢個方法除左較為環保，唔洗印咁多餐牌之外，仲可以節省人手，預留多d職員招呼客人。
上一次試左酸菜魚，今次又點可以唔試其他野呢？
經典香辣鍋：
香鍋有唔同辣度揀，喜歡食辣嘅我地揀左中辣，每個鍋要揀至少5款配料，而我地就揀左足足六款，分別有雞軟骨、豬頸肉、年糕、土豆、萵筍、午餐肉同埋四季豆。
香辣鍋上檯時散發出陣陣香味，中辣嘅鍋入面有好多辣椒，相當足料，配料吸收晒鍋入面嘅辣汁，非常惹味，最好味嘅當然係土豆同埋萵筍，煮得好夠淋，令我地越食越過癮。
川式口水雞：
啖啖肉嘅雞件，肉質非常嫩滑，亦都唔算多脂肪。秘製嘅麻辣醬汁紅油比例剛好，入口又麻又辣，聞落好香，辣度適中，雞肉吸收晒d醬汁後，非常入味。
埋單每人都係＄200左右，可以食到咁正宗嘅川菜，算係性價比高。
地址： 北角和富道21-53號和富地下G20-21號舖
Openrice link: https://www.openrice.com/zh/hongkong/r-十二味-北角-川菜-四川-r657545
