Jacomax (上環)

其實之前係鰂魚涌返工時都想試下呢間餐廳架啦，可惜一直都無機會，今日剛好打算同朋友去PMQ行返轉，就一於黎上環分店試下啦。

餐廳位於上環地鐵站出口，行去都唔駛20秒，非常方便。

餐廳上食物既選擇唔多，都係pizza，意粉，沙律同小食之類。

餐廳製作pizza既部分係open kitchen  黎既，可以清楚地睇到廚師製作pizza既情況，就好似細個既「陽光一代」咁。

同行既朋友好鍾意飲cocktail，所以都叫左杯mojito試下，可惜mojito既薄荷同青檸味有點兒過濃，蓋過左rum既味道。

Pizza有分12吋同20吋兩個size，我地選左12吋，如果唔係就試唔到其他野食架啦。

T-Rex 主要既配料有煙肉，火腿同埋salami，食落辣辣地，pizza邊亦都好脆，相當唔錯。

Carbonara 方面非常creamy，可惜煙肉份量唔係太夠，落多少少會更加好。

雞翼方面烤得非常之靚，呈金黃色，食落有好重既胡椒味，好惹味，真係令人食到停唔到口。

openrice link: http://www.openrice.com/zh/hongkong/r-jacomax-%E4%B8%8A%E7%92%B0-%E6%84%8F%E5%A4%A7%E5%88%A9%E8%8F%9C-%E8%96%84%E9%A4%85-r51081

地址: 上環永樂街38-42號東成商業大廈地下C舖

Casa Fina Seafood & Oyster Bar (銅鑼灣)

好朋友將要去外國升學，所以一行四人一齊同佢食餐好既farewell。

是日黎到Casa Group其下既Casa Fina，一黎環境唔錯，二黎生蠔有買一送一優惠。

生蠔我地total叫左12隻，分別有Naminia，Isabella，ostre diams同埋Gillardeau，再加三隻牡丹蝦。其實D蠔邊隻打邊隻店員係上菜時都有同我地講過，但係轉過頭已經唔記得左，不過整體黎講都好新鮮，海水味都幾濃，唔點醬汁反而仲好，因為咁先試到每種蠔唔同既味道。蝦方面味道鮮甜爽口，點住豉油同wasabi食之後口咁真係好似刺身。

Sauteed Live Clam with Basil White Wine Sauce:

白酒加左蒜頭做湯底，加入大大粒既蜆肉去煮。湯底雖然偏鹹，唔建議大家飲，不過蜆肉食落都OK。

Tiger Prawn & Alaskan Crab Meat Penne with lobster sauce:

勁鍾意飲龍蝦湯既我見到呢個意粉就即刻決定要試，呢個意粉份量比想像中少，但係龍蝦汁非常濃，每條意粉都沾滿左汁，食落好惹味，虎蝦同蟹肉份量都幾多下，幾樣一齊食真係令人越食越開胃。

Roasted Boneless Game Hen with Rosemary & Garlic:

以上既春雞上檯時即時令我諗起豪大大雞排，都幾大塊，有成一個男人既手掌咁大，春雞加左Rosemary同蒜頭去醃，食落好惹味，配菜方面用左翠肉瓜，南瓜同薯仔，整體賣相唔錯，不過如果可以俾多D薯仔我地就更加好啦。

Lemon Tartufo:

呢款甜品口感有D似特濃既檸檬雪糕蛋糕，咬落去中間有D檸檬餡咁酸酸甜甜，加埋切左片既士多啤梨一齊食真係好滿足。

埋單每人要600蚊左右，呢到既氣氛都幾浪漫，真係幾適合情侶黎架。

openrice link: http://www.openrice.com/zh/hongkong/r-casa-fina-seafood-oyster-bar-%E9%8A%85%E9%91%BC%E7%81%A3-%E8%A5%BF%E5%BC%8F-%E6%B5%B7%E9%AE%AE-r25816

地址: 銅鑼灣恩平道42號亨利中心13樓

Cafeholic (東涌)

是日放假，同朋友一齊去大澳，回程既時候係東涌行街，東薈城實在太多人，所以我地去左比較少人既富東邨食飯。

Cafeholic既晚餐都係第一次試，我地叫左一個滑蛋吉列豬扒飯同黑松露龍蝦肉珍珠帶子欖油意粉，包餐湯同埋飲品。

餐湯係粟米忌廉湯，配蒜茸包，湯飲落好CREAMY，唔會過鹹。

滑蛋吉列豬扒飯D蛋好creamy，咬落仲有D蛋汁係裡面，吉列豬扒炸得剛剛好，配埋飯食真係完美既配搭。

黑松露龍蝦肉珍珠帶子欖油意粉:
意粉炒得唔算油，黑松露味都幾濃，好味道，海鮮份量都唔少，咁既價錢都算係咁架啦。

餐飲叫左咖啡，熱辣辣咖啡味都好夠濃，值得一讚。

openrice link: http://www.openrice.com/zh/hongkong/r-cafeholic-%E6%9D%B1%E6%B6%8C-%E8%A5%BF%E5%BC%8F-r143808

地址: 東涌富東街6號富東邨富東廣場地下23號舖

一起果醬 (尖沙咀)

離上次黎食「一起果醬」都有成大半年既時間，一直都好懷念呢度各式各樣同果醬有關既食物。

星期日晚7點幾黎到，都唔駛等位，亦都唔係好多人。餐廳用湖水藍為色調，帶俾人好舒服既感覺，同朋友坐低傾計真係唔錯。

玫瑰蘋果醬單骨雞翼:單骨雞翼食起上黎好方便，上面加左少少玫瑰蘋果醬，食落酸酸甜甜，雞同果醬既配合唔錯，雞翼外皮帶點微脆，伴碟既仲有少少沙律，食落感覺好清新。

果醬九宮格多士: 食材其實只有多士同埋果醬，但係感覺非常特別，烘脆左既多士分開九小格，每格都有唔同味道既自家製果醬，口感唔錯，色彩繽紛，賣相都好吸引。

全天英式早餐 (轉牛角包): 
雖然英式早餐係邊度食都係差唔多，但係呢到既英式早餐係配自家製既果醬，仲要用一個小瓶黎裝住，的的骰骰，非常精緻，值得一讚既係茄汁豆係熱既，唔係好多地方會整返熱俾你食。只不過由多士轉牛角包要加14大洋，個人覺得有點兒overpriced。

溫泉蛋卡邦尼意粉: 
一拎出黎已經見到溫泉蛋醬係面，再將蛋汁撈勻，意粉食落唔硬，配料有磨菇，煙肉同洋蔥，白汁再加蛋汁好味道，不過略嫌太多汁，食晒意粉都仲有好多汁剩，如果乾身返少少就更好喇。

果醬雪糕窩夫餅:一份窩夫有成4塊，都幾大份，賣相非常吸引，一個人食一份真係會過多，建議2-3個人share食。
窩夫非常之鬆軟，配上自選既果醬，水果同埋雲呢拿或者乳酪味既雪糕食，一酸一甜，一熱一冷既口感真係幾過癮。唯一美中不足既係伴碟既cream太多，有少少沾到D 水果，建議唧係碟既第二邊，咁怕肥既女仕就唔駛怕食到有cream既水果啦。

openrice link: http://www.openrice.com/zh/hongkong/r-%E4%B8%80%E8%B5%B7%E6%9E%9C%E9%86%AC-%E5%B0%96%E6%B2%99%E5%92%80-%E8%A5%BF%E5%BC%8F-all-day-breakfast-r452856

地址: 尖沙咀松山道15-17號地下D舖