兒時玩伴久不久既聚會，都係離唔開食飯shopping傾計，雖然大家投身社會之後無咁多時間見面，但係感情一樣咁好。
一向都鍾情於西餐既我地，從朋友facebook知道灣仔Espuma分店推出左個$588 既二人餐，份量都幾多，3個女仔食都OK。
其實今次已經係第N 次黎呢度食野架喇，所以對呢度既食物都非常熟識。
一向都鍾情於西餐既我地，從朋友facebook知道灣仔Espuma分店推出左個$588 既二人餐，份量都幾多，3個女仔食都OK。
其實今次已經係第N 次黎呢度食野架喇，所以對呢度既食物都非常熟識。
個二人餐有2個頭盤，2個湯，2個main course，2份甜品同埋2杯飲品。
頭盤我地揀左沙律同埋雞翼。
沙律好大碟，D菜好新鮮，有煙三文魚同埋吞拿魚刺身，既有西班牙風味，又有日本既特色。
雞翼方面見到餐牌係用秘制醬汁烤既，味道非常西化，唔似一般係香港會食到既。
湯方面叫左一個雜菌湯一個龍蝦湯，雜菌湯好creamy味道好濃，仲有好多蘑菇碎，龍蝦湯就有點兒鹹同濃，有改進既空間。
主菜方面叫左一個黑松露醬炒鮮雜菌寬條麵同埋一個西班牙黑毛豬薄餅。
主菜方面叫左一個黑松露醬炒鮮雜菌寬條麵同埋一個西班牙黑毛豬薄餅。
黑松露醬炒鮮雜菌寬條麵有好多菇，好有黑松露既味道，真係食到停唔到口。
西班牙黑毛豬薄餅有好多芝士，而且每一塊都有好大片既黑毛豬，可惜唔鍾意食芝士既我真係興趣唔大。
餐飲方面叫左咖啡，可能因為蒸餾既關係所以等候需時，不過都幾香濃幾好味。
甜品方面雖然只係二揀一，不過原來係有2份架，賣相仲非常吸引，每份都有一個雪糕筒同球，一塊窩夫同埋D brownies。窩夫烘得剛剛好，不過個人就唔多鍾意佢D醬，分開上俾客人可能會更加好。
地址: 灣仔皇后大道東202號QRE Plaza 25樓
