香港地既食肆，要吸引客人，除左食物要好味之外，環境同佈置都相當重要既。
為於元朗大棠路既「老馮茶居」，設計以懷舊為主題，全店以六七十年代既居住情景作為裝飾，好似士多、大排檔、雜貨鋪等等，閣樓位置就以公屋單位做主題。
茶居座位唔算多，不過都坐得好舒服。餐具係用舊日大排檔既公雞碗，相當有懷舊風味。
雖然點心選擇唔多，但係價錢相當親民，除左一般中國茶之外，仲會提供茶餐廳既飲品，好似奶茶、咖啡、檸茶、檸水、好立克同阿華田等等，真係與別不同。
食物以「古法千層糕」同埋「老馮鮮蝦餃」尤其有特色。
食物以「古法千層糕」同埋「老馮鮮蝦餃」尤其有特色。
可能因為功夫多，工序繁複，近年越黎越少地方可以食到千層糕，好多酒樓都已經轉用千層馬拉糕取替。呢度既千層糕一層奶皇一層鹹蛋黃一層蒸糕，入口蛋黃味濃，口感一流，睇得出廚師費盡心思去整。
「老馮鮮蝦餃」一籠有4隻，蝦餃皮都算薄而且帶點黏性，鮮蝦爽口彈牙而且多汁，每一粒都非常飽滿，以$7一隻黎講真係性價比高。
呢間超有特色既茶居，不論食物同環境都唔錯，有機會真係要再黎過呀。
No comments:
Post a Comment