因為工作關係經常黎呢度光顧，試過佢午餐既米線，亦都試過早餐既潮式腸粉，最近得知佢地開始做晚市，主打川粵干鍋。
川粵干鍋都係第一次試。二人套餐盛惠$138，包三種肉、兩種菜、兩碗白飯同飲品兩杯。
肉類我地揀左豬頸肉、雞中翼、同埋墨魚丸。菜就揀左鮮冬菇同薯仔。
味道可以揀孜然，香辣同麻辣，辣度可以揀小，中或大辣。
平時食開呢度既米線，通常叫小中辣，今次同朋友黎，叫左小辣試下。
店方將所有肉同菜加入乾辣椒同其他香料炒成，再用錫紙兜送上，再加上芫茜同蔥花，上菜時熱辣辣，賣相吸引，入口香辣，帶點麻，越食會越辣，配埋飯食真係相當開胃。最值得一讚既係所有配料都切到細細塊，連雞翼都一開二，非常方便。
平時經常食口水雞米線既我，不得不向朋友介紹，口水雞辣度剛剛好，係一味非常開胃既小食。
雖然座位唔多，但係適逢食完時落傾盤大雨，店方都無趕我地走，仲主動叫我地係度避雨，真係招呼周到喇！
地址: 柴灣利眾街華廈村華欣樓地下3號舖
No comments:
Post a Comment