傍晚7點幾黎到位於荃灣嘅「越味皇」已經要等位，不過好彩好快就有位啦。
餐廳叫「越味皇」，咁就當然係主打越南菜啦，我地一行兩人，叫左一份越式三文治同埋幾樣小食同飲品。
越式燒豬扒三文治：
越式三文治唔係每一間越式餐廳都食到，今日我地揀左燒豬扒做餡料。香脆嘅法包一開二後再夾入熱辣辣嘅豬扒，配上青瓜，蕃茄片同埋沙律醬，好有口感，整體味道非常夾。
越式鳳爪沙律：
鳳爪沙律永遠都係我嘅最愛，特別係無骨嘅就最適合唔喜歡吐骨嘅我。鳳爪入口酸酸地，帶微辣，加入洋蔥，生菜同埋紅蘿蔔後材料非常豐富，食落都好開胃。
越式炸蝦餅：
蝦餅炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋酸辣汁食，真係風味十足。
越式燒雞肉串燒：
一客只有三串串燒兩個人分真係唔多夠喉，所以一叫就叫左兩份。有別於泰式串燒，呢度嘅串燒係用香茅整嘅，香氣十足，火喉亦都控制得好好，雖然入口較乾身，但係肉質都算淋，點左沙嗲汁後味道真係與別不同，非常好味。
珍多冰＋青檸梳打：
飲品我地叫左珍多冰同埋青檸梳打，食左咁多重口味嘅食物飲返杯凍飲，真係非常滿足。
地址：荃灣路德圍12號地舖
No comments:
Post a Comment