旺角創興層層唔係日式放題就係韓燒，是日星期日，就梗係同朋友去shopping加食好野啦。
韓舍係旺角同元朗都有分店，今次已經係第三次黎喇，鍾意呢度既原因係因為好抵食，又韓燒又日本野又有熟食又有勁多甜品，都只係200蚊左右，最重要既係，有得玩呀，好似整章魚燒呀，炒雪糕呀，棉花糖咁。
韓舍係旺角同元朗都有分店，今次已經係第三次黎喇，鍾意呢度既原因係因為好抵食，又韓燒又日本野又有熟食又有勁多甜品，都只係200蚊左右，最重要既係，有得玩呀，好似整章魚燒呀，炒雪糕呀，棉花糖咁。
吧檯旁有各式各樣既刺身同壽司供應，我地每樣都要左少少，刺身切得都算厚，食落好新鮮清甜。
小食同冷盤方面螺肉，沙律，海鮮，各款醬，開胃小食，醃青瓜等。而每張檯都會提供泡菜同埋生菜俾你地既，泡菜方面個人認為辣左少少，生菜方面多左少少，我地都好少用佢黎包住D肉食。
熟食方面，除左有咖喱，炒菜，炆肉同龍脷柳之外，仲有唔少炸物，食落仲係熱辣辣同脆架，完全唔似翻炸。除此之外，最值得食同影相既當然係自製既炒年糕同埋章魚燒啦，個人認為真係玩多過食呀。炒年糕都算易整，但係章魚燒真係攪左好耐都整得唔靚，所以都無影相放上黎獻醜啦。
燒物方面，選擇都好多，都有十幾款，由豬雞牛到腸仔不等，任君選擇，全部都醃得好入味。燒雞翼方面皮脆肉嫩，味道濃郁。
蔬菜方面既選擇都好多，最值得推介既係燒粟米同矮瓜。
食完呢D之後，就黎到食甜品既環節喇，呢度既甜品選擇真係好多，足足有幾十款，分分鐘多過D酒店級自助餐呀。最值得一讚既係樣樣都切到細細件，咁樣我就可以每樣都試少少。最值得玩既係棉花糖機同埋炒雪糕，因為唔係間間韓燒都有。
又食又玩，食到飽到上心口，每人都係200蚊到，都算抵食。
又食又玩，食到飽到上心口，每人都係200蚊到，都算抵食。
openrice link: https://www.openrice.com/zh/hongkong/r-%E9%9F%93%E8%88%8D-%E6%97%BA%E8%A7%92-%E9%9F%93%E5%9C%8B%E8%8F%9C-%E8%87%AA%E5%8A%A9%E9%A4%90-r117732
地址: 旺角彌敦道593-601號創興廣場9樓
地址: 旺角彌敦道593-601號創興廣場9樓
No comments:
Post a Comment