Bingo & Cook呢個名聽就聽過好多次喇，但係就一直無試過。今日同朋友聚舊，一於提議黎呢度試下。
餐廳位於銅鑼灣駱克駅2樓，地鐵站行幾步就到，非常方便。餐廳大部分都係韓國人，不過佢地D英文都好好，溝通絕對無問題。
廚房係開放式既，咁樣客人就可以望到裡面既運作，都係特色黎既。環境方面，感覺都幾舒服，可能因為我地訂左位，所以被安排坐近窗口既卡位，有好多位放隨身物品之餘仲坐得好舒服，仲可以望到銅鑼灣旺中帶靜既駱克道添。
海鮮蔥餅:
平時食韓國野，泡菜煎餅就食得多啦，海鮮蔥餅都係第一次聽，鍾意試新野既我地當然唔執輸啦。蔥餅上有蝦，蜆，魷魚粒，青椒，紅椒，蔥同埋辣椒，煎得好夠火喉，食落脆脆地得黎仲一D都唔油膩。
平時食韓國野，泡菜煎餅就食得多啦，海鮮蔥餅都係第一次聽，鍾意試新野既我地當然唔執輸啦。蔥餅上有蝦，蜆，魷魚粒，青椒，紅椒，蔥同埋辣椒，煎得好夠火喉，食落脆脆地得黎仲一D都唔油膩。
韓式炒年糕:
同一般韓式餐廳食到既有少少唔同，呢個炒年糕有好多唔同既配料，仲有埋拉麵添，賣相真係有D似部隊鍋。所有食材吸晒泡菜湯既精華後真係格外好味呀，味道酸酸辣辣咁，真係令人越食越開胃。
同一般韓式餐廳食到既有少少唔同，呢個炒年糕有好多唔同既配料，仲有埋拉麵添，賣相真係有D似部隊鍋。所有食材吸晒泡菜湯既精華後真係格外好味呀，味道酸酸辣辣咁，真係令人越食越開胃。
韓式炸雞配甜辣醬(全份):
韓式炸雞可以揀跟醬油，甜辣醬又或者係原味，份量方面可以揀全份或者半份，另外會再配上四種醬汁俾你地自己點，附上四種不同口味的醬汁俾你地自己點，以我估計應該係蜜糖芥末，辣醬，白沙拉醬同埋韓式醬油。貪超值既我地揀左一整份既韓式炸雞配甜辣醬。炸雞配埋甜辣醬，入口一D都唔乾身同熱氣，仲好香口添，真係幾好味，不過因為要吐骨，所以食起黎真係有D攰，加上都幾漏，所以都係叫無骨既好D。除左炸雞之外，仲有新薯同埋粟米做配菜，整體配搭真係唔錯。
韓式炸雞可以揀跟醬油，甜辣醬又或者係原味，份量方面可以揀全份或者半份，另外會再配上四種醬汁俾你地自己點，附上四種不同口味的醬汁俾你地自己點，以我估計應該係蜜糖芥末，辣醬，白沙拉醬同埋韓式醬油。貪超值既我地揀左一整份既韓式炸雞配甜辣醬。炸雞配埋甜辣醬，入口一D都唔乾身同熱氣，仲好香口添，真係幾好味，不過因為要吐骨，所以食起黎真係有D攰，加上都幾漏，所以都係叫無骨既好D。除左炸雞之外，仲有新薯同埋粟米做配菜，整體配搭真係唔錯。
呢度環境同食物都唔錯，最重要既就係唔會俾人催埋單，份量方面，3個人食真係剛剛好，埋單每人都係$142到，都唔錯呀。
地址: 銅鑼灣駱克道487-489號駱克駅2樓
No comments:
Post a Comment