鍾意食辣嘢嘅我成日四周圍搵各式各樣嘅川菜食，最近係開飯網搵到呢間開咗無耐嘅「川府宴」，除咗可以食小菜之外，仲有火鍋食添。不過我地因為怕熱氣嘅關係，所以都係選擇咗叫小菜。
餐廳位於銅鑼灣登龍街，地點相當方便，傍晚七點半左右到，都未要等位住，不過坐多陣就開始多人啦。
店舖裝修非常新淨，簡約舒適，燈光柔和，都幾有情調。
小菜嘅選擇都好多，有辣有唔辣嘅，適合唔同口味嘅朋友。
原盅足料燉湯 :
是日燉湯係藥膳湯，個湯好清，幾乎一滴油都無，而且真係好足料，值得一讚。
是日燉湯係藥膳湯，個湯好清，幾乎一滴油都無，而且真係好足料，值得一讚。
紅油抄手 :
紅油辣味唔重，雲吞餡料夠多，個皮仲好滑，入口好有鮮味，配埋四川辣油同芫茜等配料，真係無得頂呀。
紅油辣味唔重，雲吞餡料夠多，個皮仲好滑，入口好有鮮味，配埋四川辣油同芫茜等配料，真係無得頂呀。
大大粒辣子雞 :
辣子雞一上檯時已經好香，碟上佈滿辣椒，顏色相當吸引。雞丁炸得香脆得黎入口仲好juicy，味道辣中帶點麻，一粒一粒食真係會食到停唔到口，用黎送酒食都係唔錯嘅配搭。
辣子雞一上檯時已經好香，碟上佈滿辣椒，顏色相當吸引。雞丁炸得香脆得黎入口仲好juicy，味道辣中帶點麻，一粒一粒食真係會食到停唔到口，用黎送酒食都係唔錯嘅配搭。
麻婆豆腐 :
麻婆豆腐雖然唔辣，但係味道非常醒胃，最吸引嘅係d豆腐非常滑，用黎撈飯食就最好不過啦。
麻婆豆腐雖然唔辣，但係味道非常醒胃，最吸引嘅係d豆腐非常滑，用黎撈飯食就最好不過啦。
水煮石班魚 :
超級鍾意食水煮魚嘅我，難得食川菜又點可以唔叫呢？
水煮石班魚上菜時散發出陣陣麻香味，見到成煲辣椒都已經流哂口水。石班魚入口超滑，肉質鮮嫩，亦唔多骨，配料方面亦都有青瓜、菜同埋寬薯粉係底，寬薯粉口感煙靭又彈牙，亦都好滑，吸收晒d辣味，入口酸酸麻麻，真係食得超過癮。
超級鍾意食水煮魚嘅我，難得食川菜又點可以唔叫呢？
水煮石班魚上菜時散發出陣陣麻香味，見到成煲辣椒都已經流哂口水。石班魚入口超滑，肉質鮮嫩，亦唔多骨，配料方面亦都有青瓜、菜同埋寬薯粉係底，寬薯粉口感煙靭又彈牙，亦都好滑，吸收晒d辣味，入口酸酸麻麻，真係食得超過癮。
擔擔麵 :
呢度嘅擔擔麵同出面有d唔同，呢度嘅係撈麵而唔係放湯，呢個食法都係第一次試。撈左肉碎同麻醬後嘅麵，入口彈牙，味道都幾濃郁。
呢度嘅擔擔麵同出面有d唔同，呢度嘅係撈麵而唔係放湯，呢個食法都係第一次試。撈左肉碎同麻醬後嘅麵，入口彈牙，味道都幾濃郁。
紅糖冰粉 :
紅糖冰粉都係傳統四川甜品之一。冰粉加入咗用紅糖做嘅糖水之後，可以清清口裡嘅味，食完辣嘢食返碗真係好舒服。
總括黎講呢度嘅食物相當正宗，亦都可以揀唔同嘅辣度，適合唔同口味嘅朋友，睇得出係一間好用心經營既餐廳，如果想試多d唔同嘅菜式，真係要叫多d人黎一齊食呀。
紅糖冰粉都係傳統四川甜品之一。冰粉加入咗用紅糖做嘅糖水之後，可以清清口裡嘅味，食完辣嘢食返碗真係好舒服。
總括黎講呢度嘅食物相當正宗，亦都可以揀唔同嘅辣度，適合唔同口味嘅朋友，睇得出係一間好用心經營既餐廳，如果想試多d唔同嘅菜式，真係要叫多d人黎一齊食呀。
No comments:
Post a Comment