是日同朋友們去太空館睇戲，睇完之後剛好係晚飯時候，就一齊食飯啦。
我地大家都想食日本嘢，同行朋友就介紹呢間位於亞士厘道嘅「北海道爐端燒」，一間來自大阪難波嘅日本料理餐廳。
我地大家都想食日本嘢，同行朋友就介紹呢間位於亞士厘道嘅「北海道爐端燒」，一間來自大阪難波嘅日本料理餐廳。
餐廳地點旺中帶靜，人流唔算多，可能我地到達嘅時間尚早，只係六點鬆d，仲未滿座，唔駛等位。
我地一行三人，叫咗一個飯、一個麵同埋三個小食share食。
我地一行三人，叫咗一個飯、一個麵同埋三個小食share食。
明太子雞蛋卷 :
日式雞蛋卷平時真係唔多機會試，呢份明太子份量十足嘅雞蛋卷由多層加入左上湯嘅蛋皮捲成，外表呈淺黃色，蛋皮層次分明，熟嘅程度剛剛好，所以口感軟綿綿，水份十足。
煎餃子 :
餃子皮軟硬適中仲好彈牙，餃子煎到金黄色，外脆內軟，肉汁豐富，配埋微辣嘅餃子汁食，味道真係唔錯。
炸日本生蠔 :
炸廣島蠔一向都係我嘅最愛，呢度嘅蠔即叫即炸，1份有5件，蠔身都算大隻，炸粉又唔算太厚，炸起上黎熱辣辣又多汁，吉列層好脆好好味，係呢個價錢黎講真係算幾抵食。
三文魚及三文魚籽飯 :
三文魚非常新鮮，可能因為係腩嘅部位，所以油脂比較豐富，至於三文魚籽，佢嘅份量唔單止多而且粒粒色澤鮮明，入口卜卜聲，配埋蛋絲、酸薑同埋壽司飯一齊食，味道好夾。
地獄拉麵 :
呢個地獄拉麵湯底相信係加左辣味嘅豬骨湯，辣味稍為輕，完全無蓋過豬骨湯嘅鮮香味，配料除左有紫菜之外，仲有厚身嘅日式叉燒同埋好流心嘅溏心蛋添。
埋單每人都係$150到，價錢比起放題平，食物質素高d又坐得舒服d，更加唔駛為咗抵食而食到捧住個肚出門口咁辛苦，真係唔錯呢。
地址 : 尖沙咀亞士厘道27號捷利商業大廈3樓
No comments:
Post a Comment