2個女仔放左工後想搵個地方坐底傾下計，最後揀左黎Coffee Jobs，坐低之後我地叫左2個湯，1個意粉，1個漢堡，一個炸芝士雞手指，同埋2杯飲品。
Hazelnut Latte: 本人非常欣賞小店咖啡師既功力，佢能夠拉出變化多端既咖啡拉花，相信可以討到唔少女士既歡心。至於咖啡味方面就非常濃郁，有細滑既口感。
香蕉朱古力咖啡: 香蕉味好濃，朱古力味都好突出，最重要既係飲起黎唔好太漏。
是日餐湯- 羅宋湯: 呢度嘅羅宋湯好好飲好惹味。顏色，質感，口味都感覺到係豐料十足！味道有豐足香甜既菜蔬，飲完之後真係的確令人好回味。
煙肉忌廉意大利粉: 意粉忌廉味好香濃，忌廉汁亦都整得好滑，意粉口感彈牙，非常味美。上面仲配上溫泉蛋，上菜時店員仲提醒我地要將溫泉蛋攪拌後先食，話咁食會好味D。
炸芝士雞手指: 一碟有成四條炸雞手指，每條都幾大條，外層炸到金黃色，食落仲好脆，一切開裡面D芝士仲會流出嚟架，所以真係要襯熱食，唯一美中不足既就係雞肉方面唔夠嫩，如果可以整返嫩少少就會更加好。
美式三重芝士漢堡: 呢個漢堡真係非常巨型，麵包大片而厚身，相信芝士與牛肉應該係同時加熱，令到大大塊既牛肉上面蓋著半溶既芝士同蕃茄生菜等配菜，感覺真係非常惹味，牛肉呈微紅色，食落好有肉汁，比較Juicy。配菜方面有沙律同薯條，沙律菜好新鮮，混埋D 沙律醋之後，食起黎爽脆又開胃。至於薯條方面，切得比較幼身，炸得金黃香脆而唔油膩，熱辣辣，口感外脆內軟。
openrice link: http://www.openrice.com/zh/hongkong/r-coffee-jobs-%E6%97%BA%E8%A7%92-%E8%A5%BF%E5%BC%8F-r465886
地址: 旺角廣華街3號百利達廣場地下3號舖
No comments:
Post a Comment