最近天氣涼涼地，最適合打邊爐，是日假日，朋友介紹呢間位於太子，一個旺中帶靜嘅地方，空氣流通，打完邊爐都唔會成身火鍋味。
餐廳有大量醬油配料供應包括辣椒、炸蒜、蒜蓉、芝麻、芫荽、蔥、沙茶醬、花生醬、XO醬，真係講得出嘅都有架。
鮮茄牛立方薯仔濃湯鍋 :
坐低後，第一件事當然係揀咗湯底先啦，其實湯底都算係火鍋嘅主角，一個靚嘅湯底，淥出黎嘅野食都好味d。喜歡食蕃茄嘅我，毫不猶豫地揀咗鮮茄牛立方薯仔濃湯鍋，係未放任何食物落去淥之前，忍唔住先試一口，入口味道清甜，飲得出無咩味精。
手打雙拼丸-墨魚丸豬肉丸 :
每款丸類都係手打，墨魚丸外色十分之雪白，入口好滑，豬肉丸肉質則鬆軟爽口。
牛柏葉 :
牛柏葉份量算多，放落湯淥一陣就食得，入口仲好爽好鮮味。
雙拼滑-蝦滑+墨魚滑 :
蝦滑加咗蟹子，賣相無咁寡，好重蝦味，食落好爽口，墨魚滑入口煙煙韌韌，係湯底中碌左好耐口感都無變。
響鈴 :
即叫即炸嘅響鈴，輕輕放入湯內淥過後，外軟內脆，吸收咗湯底嘅精華後真係格外好味。
雙拼餃-雲吞水餃 :
皮薄餡靚嘅雲吞水餃，菜同肉嘅比例剛剛好，放入蕃茄薯仔湯底度吸入湯嘅精華後，真係好好味。
稻庭烏冬 :
烏冬上菜時已經打散左，份量都幾多，放落湯度煮一陣就食得喇，配埋蕃茄湯底食，味道簡直係一流。
埋單每人都係$300到，食到暖笠笠，環境唔太嘈又可以傾到計，都算好超值。
地址：太子花園街239號嘉慶苑1樓
No comments:
Post a Comment