丼丼屋係沙田開左都有好幾年啦，對日本菜毫無抵抗力既我，星期六同屋企人去到丼丼屋度食午餐，3個人只係叫左2個飯同一個小食，而其中一個飯都加錢跟餐。
和風醬汁吉列豚丼: 呢個吉列豚丼係丼丼屋五週年既期間限定和風醬汁吉列豚丼，供應期由九月到十一月，感謝價格只售$68，而且每天限定30食，早起的鳥兒有丼吃，我地12點幾黎到，仲未賣晒。
吉列豚丼只有三塊豚肉，每塊豚肉炸完之後都沾上和風醬汁，味度有少少黑醋味，酸酸甜甜咁，豚肉底下仲有椰菜絲，飯量又夠多，$68 真係算唔錯。
吉列豚丼只有三塊豚肉，每塊豚肉炸完之後都沾上和風醬汁，味度有少少黑醋味，酸酸甜甜咁，豚肉底下仲有椰菜絲，飯量又夠多，$68 真係算唔錯。
鐵板咖喱豚肉餃子: 呢個配搭都幾特別，餃子皮比較厚, 入面既餡料係黑豚肉，加入左大量既咖喱汁後非常好味，可惜芝士份量比較多，唔多鍾意食芝士既我覺得落少D好更加好。不過值得一讚既係個餃子採用鐵板上碟，慢慢食都唔怕會好快凍晒。
滑蛋雞肉丼:親子丼(OYADON) = 滑蛋雞肉飯。日本料理中既「丼」，日文讀成「Don」，指係大碗中放有肉類等材料既意思，中文譯作「蓋飯」。親子丼材料有雞肉 ，洋葱同半生熟雞蛋，再配以日式醬汁整成。
呢個丼幾乎係我每次黎都一定會叫架，個飯食落好香滑，雞肉鮮嫩彈牙，混埋香甜軟滑既蛋漿，同埋日本靚米，味道真係唔錯。跟餐既話除左有沙律，味噌湯，仲有日本蘿蔔同埋一些配菜。
呢個丼幾乎係我每次黎都一定會叫架，個飯食落好香滑，雞肉鮮嫩彈牙，混埋香甜軟滑既蛋漿，同埋日本靚米，味道真係唔錯。跟餐既話除左有沙律，味噌湯，仲有日本蘿蔔同埋一些配菜。
No comments:
Post a Comment