餐廳設於商場地下，有別於其他分店，呢度嘅營運方法係半自助式嘅，店員帶位後，客人只要拎檯上嘅號碼出去counter落order，廚師煮好之後店員就會送黎俾你。
餐廳主打英國菜，主菜種類都好多，有意粉，burger，pastry，all day breakfast ，eggs benedict ，fish and chips同烤雞。
晚餐可以揀單點主菜，價錢由$58起，每個item都可以加錢轉set，加$30可以有湯+沙律，再另加$15 仲可以要埋飲品。
網上見到呢度Eggs benedict 咁出名，又點可以唔試下呢?
煙三文魚班尼迪蛋：
呢個係餐廳招牌菜之一，賣相真係無得頂。Eggs Benedict有四層，最上層嘅係荷蘭醬，亦都係整度菜嘅精粹。整過嘅朋友都知道荷蘭醬要整得靚一D都唔易，因為佢係用生蛋整成，整嘅時候溫度控制係非常重要，太熱會變成炒蛋，太生就驚蛋黃有菌。
第二層係水煮蛋，一切之下流出蛋黃。
第三層就係煙三文魚同紫椰菜絲啦，配上蛋汁同荷蘭醬，味道非常夾。
最下層嘅係English Muffin，值得一讚嘅係店方先將佢烘過，咁配埋eggs benedict食唔會過腍啦。
同行朋友叫左一份凱撒沙律，可以揀配雞肉或者三文魚，我地揀左雞肉。
凱撒沙律賣相唔錯，羅馬生菜新鮮爽脆，車厘茄鮮味多汁，味道清新，配上芝士塊，煙肉碎同埋麵包糠，整體口感唔錯，雞肉份量亦都比想像中多。沙律仲配埋凱撒沙律醬，份量剛剛好，唔會過多。
跟餐嘅沙律加入左粟米粒、紫洋蔥粒，蕃茄，沙律菜清新爽口，配上沙律汁，清新醒胃，色彩繽紛。
我哋另外都加咗個小食。
英式烤香腸拼盤:
香腸烤得非常香，味道一d 都唔鹹，點埋伴碟嘅燒烤醬，味道好夾。
餐飲叫左Rose Latte， 咖啡味非常濃郁，帶輕輕嘅玫瑰花味，有細滑的口感。好可惜我地已經好飽無叫甜品，如果唔係都將會係完美嘅配搭。
Openrice link: https://www.openrice.com/zh/hongkong/r-brick-lane-deli-沙田-英國菜-all-day-breakfast-r578884
地址：沙田沙田正街18號新城市廣場一期1樓126號舖
No comments:
Post a Comment