今年既冬天真係時冷時熱，凍起上黎真係幾攞命，今日本身有D凍，加上落住微微雨，剛好又碰巧晚飯時間，就打算入黎避下雨食個飯啦。
呢到落單既形式同一般拉麵店無咩分別，都係一人一張點心紙咁，鍾意劃咩就劃咩。一個拉麵由最平既$72 到到最貴既$98 不等，再另加配料同飲品。
飲品我地叫左一支山梨桃梳打同埋赤富士提子梳打。
山梨桃梳打: 入口既白桃味非常清甜，加埋少少梳打汽泡，每食幾注拉麵時飲返幾啖，感覺真係好正。
赤富士提子梳打: 提子梳打味道酸酸甜甜，凍涼解渴，值得一讚。
山梨桃梳打: 入口既白桃味非常清甜，加埋少少梳打汽泡，每食幾注拉麵時飲返幾啖，感覺真係好正。
赤富士提子梳打: 提子梳打味道酸酸甜甜，凍涼解渴，值得一讚。
特上原味豬骨拉麵: 餐牌上有特上版同埋原味版既豬骨拉麵，問過職員，原來特上版同普通版既分別係在於佢係有齊豬肩肉同豬腩肉，另加半隻日本溏心蛋及紫菜。豬骨拉麵湯底濃度甚高，有濃香既豬肉味，黏黏地但又唔會過膩。
特上辛辣味噌拉麵: 個湯底係混合信州白味噌同赤味噌而整成，辣度有分普通同激辛，今日我試既係普通辣，辣味稍為輕，更加無蓋過豬骨湯既鮮香味，肉方面就十分之薄同嫩滑，入口即化。
配料: 木耳比較爽，而溏心蛋就係又甜又滑。
餃子5隻: 餃子以煎的方式煮，餃子皮煎到金黄色，外脆內軟，肉餡雖然唔太多，都係普通豬肉加菜餡，但係肉汁夠豐富，都幾好食。
No comments:
Post a Comment