臨近聖誕節，就梗係多節目㗎啦。
是日同朋友行街，行到攰，咁岩經過位於油麻地彌敦道嘅「蒲東小館」，見佢新開，就打算入嚟試吓啦。
黎到食上海菜，就梗係要飲返杯豆漿啦。豆漿可以揀凍同埋熱，依家天氣涼涼地，當然係飲返杯熱豆漿啦。
黎到食上海菜，就梗係要飲返杯豆漿啦。豆漿可以揀凍同埋熱，依家天氣涼涼地，當然係飲返杯熱豆漿啦。
呢度嘅熱豆漿，甜度適中，溫度剛剛好，入口唔會太熱，唔使攤好耐就可以入到口，值得一讚。
餐牌除咗有以上嘅食物之外，仲有一味標榜零脂肪嘅特色脆皮鹹雞，仲講明係江浙自家後園飼養走地雞。
餐牌除咗有以上嘅食物之外，仲有一味標榜零脂肪嘅特色脆皮鹹雞，仲講明係江浙自家後園飼養走地雞。
雖然以$78來講，呢個份量比較少，但係入口鹹鹹地，冇咩肥肉，味道算唔錯。
酸辣湯有分一碗同埋例牌，鍾意飲呢個湯嘅我哋，叫咗一個例牌黎share。
例牌嘅份量都算好多，有成五至六碗，算係物超所值。
酸辣湯入口酸酸地，配料都好足，如果可以整得再辣少少，咁就更加好啦。
鮮肉小籠包一份有四件，入面嘅湯汁唔單止夠多而且好鮮甜，皮薄得黎亦都唔會咁易穿。
鍋貼煎得香脆亦都唔會太燶，入口帶點煙韌，餡料仲有少少肉汁，咬一啖，餃子汁就會流出嚟，唔錯。
高力豆沙算係我全餐飯入面最期待嘅甜品。
高力豆沙係由炸蛋白同埋豆沙整成嘅，炸蛋白整得非常鬆軟，大個得黎亦都幾實淨，中間嘅豆沙亦都唔會太甜，配埋面頭嘅糖霜，入口非常好味。
呢度嘅食物同服務都唔錯，喺油尖旺呢區黎講，價錢算適中，適合一大班人一齊黎，咁就可以叫多啲嘢一齊食啦！
呢度嘅食物同服務都唔錯，喺油尖旺呢區黎講，價錢算適中，適合一大班人一齊黎，咁就可以叫多啲嘢一齊食啦！
No comments:
Post a Comment