今日市區成37度，游水過後同朋友黎到黃埔食飯，我倆都突然之間想食韓國菜，所以係開飯網搵到呢間係正地鐵站出口既韓宮。
呢度既店員大部分都係韓國人，佢地只識講韓文同埋英文，但係正正因為咁，令到我覺得呢度既食物會相當地道。
呢度既店員大部分都係韓國人，佢地只識講韓文同埋英文，但係正正因為咁，令到我覺得呢度既食物會相當地道。
落單之後店員就為我地送上韓式小食，總共有五款，我最喜歡既係薯仔，醃得好入味。
本身我地想叫韓式粉絲，但係餐牌上見到有牛肉，而我又唔食，就諗住叫泡菜紫菜卷，可惜可能因為我地遲去，所以已經沽清。最後我地叫左泡菜辣湯，石鍋雞肉飯同埋煎餃子。
本身我地想叫韓式粉絲，但係餐牌上見到有牛肉，而我又唔食，就諗住叫泡菜紫菜卷，可惜可能因為我地遲去，所以已經沽清。最後我地叫左泡菜辣湯，石鍋雞肉飯同埋煎餃子。
泡菜辣湯 :
唔睇英文餐牌都唔知原來個湯係跟飯，令到我地叫既份量有點兒過多。泡菜辣湯既味道非常正宗，賣相呈紅色，起初都驚會太辣，好彩最後辣度仍然可以接受，如果伴埋飯一齊食，問題應該唔會太大。
石鍋雞肉飯 :
石鍋飯裏面有好多配料，除左雞肉之外，仲有韓式紫菜、蘿蔔條、雞蛋同菜，非常豐富。個飯同辣椒醬係分開上，好欣賞店方既細心，咁樣客人就可以因應自己既喜好黎加辣醬啦。
煎餃子 :
一份有成8件，大大隻仲要即叫即整，最值得一讚既係入口唔油，味道香濃，唔駛點醬已經好好味喇。
openrice link: https://www.openrice.com/zh/hongkong/r-%E9%9F%93%E5%AE%AE-%E7%B4%85%E7%A3%A1-%E9%9F%93%E5%9C%8B%E8%8F%9C-%E9%9F%93%E7%87%92-r165933
地址: 紅磡黃埔新村民兆街16號地舖
地址: 紅磡黃埔新村民兆街16號地舖
No comments:
Post a Comment