本人一向都好鍾意食沙律，尤其係自助果D，鍾意裝幾多就幾多，好似細個去某著名意大利薄餅專門店鬥裝得多咁。
是日屋企人生日，我地一行5人黎到食午餐，一共叫左4個main course，3個沙律去share。
沙律吧都好豐富，有粟米粒，菠蘿，紅腰豆，薯蓉，桃，吞拿魚等等。其實裝沙律係有秘訣架，細件既放下面 ，大件放上面，中間可以視乎需要加d醬，咁可以裝多好多架。
是日屋企人生日，我地一行5人黎到食午餐，一共叫左4個main course，3個沙律去share。
沙律吧都好豐富，有粟米粒，菠蘿，紅腰豆，薯蓉，桃，吞拿魚等等。其實裝沙律係有秘訣架，細件既放下面 ，大件放上面，中間可以視乎需要加d醬，咁可以裝多好多架。
講真呀，五個人叫3個沙律真係差唔多架啦，一個碗真係裝到唔少。我地食沙律食到一半時，main course 都開始到啦。
煙肉忌廉意粉:
意粉既忌廉味好香濃，個汁亦都整得好滑，意粉口感彈牙，非常美味，上面仲配上溫泉蛋，食既時候只要將溫泉蛋攪拌後再食，會特別好味。
煙三文魚薄餅:
材料只係用左少量既三文魚同埋大量既水牛芝士，唔好芝士既我嫌佢份量過多。至於薄餅底做到幾香脆，唔錯。
茄汁海鮮燴飯:
呢個飯都可以算係主菜中最好味既一個。入口感覺似係用蕃茄湯黎煮，煮到D飯吸收晒湯既水份為止。雖然飯既質感唔似正宗既意大利飯，但係口感都幾好，有咬口，茄汁味又酸酸甜甜，食落都幾開胃，中間仲有好多海鮮，有青口，蝦仁，帶子同魷魚，食落無咩雪味，值得推介。
香草鮮蝦意粉:
奉上時仲係熱辣辣架，香草鮮蝦意粉呈清綠色，用左香草同橄欖油去炒，配上大蝦，賣相幾靚，意粉入口彈牙，蝦肉雖然唔夠鮮甜，但係都算爽口，如果橄欖油可以落少一點，令意粉食落無咁油膩，咁就更加好啦。
食完main course 之後係時候飲返杯咖啡，呢到既咖啡係蒸餾咖啡，製作需時，但係真係幾好味，一D都唔似係平價貨，飲落咖啡味好香濃，又唔會有酸味，值得推介。
openrice link: http://www.openrice.com/zh/hongkong/r-ucc-coffee-shop-%E5%A4%A7%E8%A7%92%E5%92%80-%E8%A5%BF%E5%BC%8F-r53249
地址: 大角咀海庭道18號奧海城二期UG03舖
地址: 大角咀海庭道18號奧海城二期UG03舖
No comments:
Post a Comment