銅鑼灣分店就去過好多次，尖沙咀分店都係第一次嚟，同銅鑼灣一樣，餐廳內佈置迷幻，相當有派對氣氛。
雖然嚟過好幾次，但係都想睇下餐牌有冇新嘅菜式。坐低後第一時間當然就係睇下食咩好， 由於之前已經試過佢地嘅雞鍋，雖然十分喜愛呢種味道，但係吐骨實在令我感到太攰，所以今次想試下佢個自選組合香鍋，有四款味道，分別係黃燜味鍋，香辣味鍋，麻辣味鍋同埋辣子味。輔菜要5款起，我地揀左茄子、雞脆骨、貢丸、四季豆、午餐肉、秀珍菇、土豆。
香鍋好快就上檯，上檯時散發出陣陣香味，中辣嘅鍋入面有好多辣椒，相當足料，配料吸收晒鍋入面嘅辣汁，非常惹味，最好味嘅當然係土豆同埋茄子，煮得好夠淋，令我地越食越過癮。
用明火坐住嘅香鍋更加能保溫，咁我地就可以慢慢食，天氣凍都唔駛驚食到一半食物會變凍。
食完之後店方為我地送上咋喳做甜品，食完辣野後食返啲甜嘢，可以中和返辣味，真係貼心。
地址：尖沙咀加連威老道29A號瑞生酒店1樓
openrice link: https://www.openrice.com/zh/hongkong/r-麻辣派對-尖沙咀-川菜-四川-r600662
No comments:
Post a Comment