打邊爐算係我喜愛既菜式之一，大半年前黎過之後，覺得呢度好坐，空氣又流通，今日趁同朋友聚舊，就打算再黎食飯啦。
位於銅鑼灣京都廣場8樓既「漁火」，除左有一般火鍋配料之外，仲有刺身食，更重要既賣點，當然係用老火湯黎做湯底啦！
餐廳有大量醬油配料供應：辣椒、炸蒜、蒜蓉、芝麻、芫荽、蔥、沙茶醬、花生醬、麻油，真係講得出既都有架。
湯底－蕃茄薯仔粟米湯＋自家鮮魚清湯鍋:
坐低後，第一件事當然係揀左湯底先啦，其實湯底都算係火鍋既主角，一個靚既湯底，淥出黎既野食都好味d。喜歡食蕃茄既我，毫不猶豫地揀左蕃茄薯仔粟米湯，同行朋友就想試鮮魚清湯，所以我地就叫左個雙拼鍋啦。蕃茄湯味道非常清甜，飲得出無咩味精，好好味。
響鈴:
即叫即炸既響鈴，輕輕放入湯內淥過後，外軟內脆，吸收左湯底既精華後真係格外好味。
北海道蟹柳:
蟹柳一向都係我打邊爐既至愛，因為上菜時已經defrost左，所以淥一陣就有得食。
漁火特色四色丸:
四色丸有蝦丸，咸蛋豬肉丸，咸牛肉手打鮮牛丸同埋墨魚丸。一份有成12粒，兩個人食其實有點兒過多。個人最喜歡嘅係咸蛋豬肉丸，咬開後有少少咸蛋黃係裡面，平時好少會食到，感覺非常特別。至於鮮蝦丸， 除了裡面有鮮蝦之外，丸外仲有少少蝦仔添。
蟶子皇:
蟶子大大隻而且好多肉，肉質爽口彈牙，味道鮮甜
豚腩肉：
豚腩肉入口柔軟，肉味濃郁，唔錯。
油麥菜／烏冬:
淥左咁多野食之後，湯底已經好入味，係呢個時候落菜同烏冬就最適合不過啦。
呢隻環境乾淨企理，又唔會太嘈，同朋友傾計都算方便，最重要既係地方闊落，有足夠位置俾我地放火鍋配料，相信咁已經值回票價啦。
地址: 銅鑼灣駱克道491-499號京都廣場8樓
No comments:
Post a Comment