住左沙田咁耐，都從未光顧過呢間餐廳，今日媽媽話想食日本野，就打算帶佢黎呢度試下啦。
海老牛油果美人卷：
用米紙包住生菜、海老、玉子、牛油果同蟹柳嘅美人卷，口感豐富，配上熱帶醋同柑橘嘅特製醬汁，入口酸酸甜甜，感覺相當清新。
沖繩糖揚魷魚配七味沙律醬：
廚師使用左沖繩和奄美近郊海域捕獲嘅魷魚，外皮香脆， 食落肉嫩多汁，充滿日式風味。
三文魚蟹肉沙律壽司卷：
壽司細細粒，賣相相當精緻，一啖一粒，好可愛，壽司卷上加入蟹肉及蟹籽，裡面仲夾左青瓜，口感豐富，食落好清新。
框飯份量唔多，飯係由白米同糯米混合整成，入口煙韌黏口。
飯上面仲放有啲蛋絲、蘿蔔絲同埋鰻魚，食起黎帶淡淡嘅醬油味，整體配搭唔錯。
安納烤甜薯芭菲：
甜薯烤過後加入雪榚、丸子同粟米片，賣相吸引，做法亦都相當新穎，雪榚牛奶嘅味道配上帶餘溫嘅蕃薯，入口甜甜地，配上香脆嘅粟米片，相當有口感，味道唔錯，為我地今晚嘅晚餐劃上完美句號。
Openrice link: https://www.openrice.com/zh/hongkong/r-塚田農場-沙田-日本菜-r574288
地址：沙田沙田正街18號新城市廣場1樓105號舖
No comments:
Post a Comment